Vit átaka sær m.a. hesar uppgávur: Innheinting av peningaágóða hjá skuldarum, endurgjaldskrøv, tvingsilssølur og trotabúarviðgerð, stovnan og avtøka av partafeløgum o.ø., søla/keyp av sethúsum, vinnubygningum, jørð o.ø., søla/keyp av skipum og bátum, harundir útvegan av neyðugum loyvum, útvegan av skeyti, sølusáttmálum, veðbrøvum og skuldarbrøvum, arva-, skiftis- og hjúnabandsmál, skattamál, revsimál, starvsfólkamál, løgfrøðilig ráðgeving til vinnulívið og privat.
Talan er bert um dømi millum tær fjøltáttaðu uppgávur, sum skrivstovan dagliga avgreiðir fyri síni viðskiftafólk.
Møtt verður í Føroya Rætti, Landsrættinum og Hægsta Rætti.
Heygum Petersen Thomsen hava drúgvar royndir av at selja fastogn vegna kundar.
Vit átaka okkum gjarna at selja tygara sethús, íbúð, summarhús, neyst, grundøki, jørð, umframt vinnu- og handilsbygning v.m.
Vit havaløgfrøðiligan serkunnleika á økinum, og veita í hesum sambandi alla neyðuga ráðgeving og vegleiðing til tess at tryggja kundan best møguligt.
Mannagongdin í samband við sølu av fastogn er henda:
Tit kunnu altíð seta tykkum í samband við okkum á skrivstovuni fyri at fáa nærri upplýsingar hesum viðvíkjandi. Vit eru at hitta vanliga skrivstovutíð kl. 08 00 – 16 00. Eisini ber til at ringja í tíðarskeiðinum kl. 09 00 – 12 og kl. 13 30 – 16 00, ella skriva til hp@adv.fo.
Bjørn á Heygum var tilnevndur uppboðssøluhaldari í Føroyum í 1986 av danska løgmálaráðnum (autorisatón).
Uppboðssøluhaldarin hevur einkarætt til at selja leysafæ – (undantikið skrásett skip og flogfør) – á uppboðssølu í øllum landinum, harundir bæði á tvingsilssølu og sjálvbodnari uppboðssølu.
Uppboðssølan fer fram á tann hátt, at eftir at úttøka er framd í leysafæ, verður biðið “autorisatión” frá fútarættinum at selja lutin á uppboðssølu.
Eftir at játtan er givin, verður uppboðshaldarin biðin um at lýsa lutin til sølu á næstkomandi uppboðssølu.
Uppboðshaldarin savnar vanliga saman eina hóskandi nøgd av lutum, og lýsir hesar síðan til sølu undir einum á sama uppboði, við i minsta lagi 14 daga varningi, sum lógin ásetur.
Treytirnar á uppboðnum eru, at alt verður selt í tí standi tað er í, og sýnað á staðnum, uttan ábyrgd fyri uppboðshaldaran.
Tá boðið verður á uppboðssøluni er alt íroknað boðnum, so sum mvg. og uppboðssølukostnaður v.m. Uppboðshaldari ger sjálvur av minsta boð og yvirboð. Eftir at síðsta boð er rópt upp tríggjar ferður uttan hægri boð, verður hamarslag givið.
Lutirnir verða bert seldur móti kontantum gjaldi, t.v.s. reiðum peningi, kekki ella gjaldskorti. Undantaksvís verður játtað sølu móti framvísing av játtan úr banka um fígging, tá tað snýr seg um størri lutir.
Alt verður avgreitt á staðnum, og lutirnir skulu avheintast beinanvegin fyri egna rokning.
Svenska aðalkonsulátið umboðar áhugamálini hjá svenska statinum í Føroyum. Konsulátið røkir tær uppgávur, sum neyðugar eru til tess at útbyggja og menna samstarvið millum Føroyar og Svøríki.
Svenskir statsborgarar í Føroyum fáa ígjøgnum konsulátið tær sømdir og tænastur, sum tørvur er á, so leingi teir eru búsitandi uttanlands, so sum skráseting í samband við valluttøku, leiðbeining í sambandi við flyting, veitingar frá tí almenna o.a.
Veitt verður útlendingum hjálp í sambandi við innferðar-, arbeiðs- og uppihaldsloyvi, t.d. útvegan av visa, skráseting í passi o.s.fr.
Konsulátið samskipar somuleiðis sambandið millum stovnar og fyritøkur í Føroyum og Svøríki og útvegar allar neyðturviligar upplýsingar í hesum sambandi.
Aðalkonsul: Bjørn á Heygum
Konsulátið samskipar somuleiðis sambandið millum stovnar og fyritøkur í Føroyum og Svøríki og útvegar allar neyðturviligar upplýsingar í hesum sambandi.
Aðalkonsul: Bjørn á Heygum
Bjørn á Heygum, f. 04.01. 1954 var tilnevndur svenskur konsul í Føroyum í 1999 og aðalkonsul 2005.
Bjørn á Heygum tók juridiskt embætisprógv við Københavns Universitet í 1981.
Heimkomin til Føroyar gjørdist hann advokatfulltrúi hjá Mogens Birch, lrs., samstundis sum arbeitt var á Líkingarráð Føroya við skattamálum.
Eftir at hava fingið advokattilnevning í 1986, yvirtók Bjørn á Heygum advokatvirksemi hjá Mogens Birch.
Bjørn á Heygum hevur rikið egna advokatskrivstovu frá januar 1986, fyrst í hølunum J. Paturssonargøta 3, Tórshavn, og harnæst frá 2001 í egnum hølum í Bøgøtu 16, Tórshavn.
Bjørn á Heygum hevur møtirætt fyri Landsrætt og Hægstarætt.